--------------------------------------------------------------------------------

غنطيكم وصفة ديال الغاسول للجسم وجربوها وردو عليا الخبار انا كيدة غتنساو شي حاجة سميتها كريمات او مرطبات للجسم وشوفي البشرة كي كتولي حرير في حرير خودي يا لالا الغاسول المسقي بالاعشاب مني تكوني غاديا الحمام وضيفي عليه شوية الغاسول الابيض او المايزينا 2 عالق صغار+القهوة مطحونة ملعقة كبيرة او زيادة على حسب اختيارك وضيفي ملعقة صغيرة من زيت اللوز او اركان للتجميل او زيت بالاعشاب وهذه حتى هي غنعطيكم طريقتها +شوية العكر الفاسي راس ملعقة صغيرة جدا والا كان عندك الورد والريحان والازير والخزامى مطحونين ديري شوية ومانساش القرنفل والا كان ظهرك كيضرك من البرد ولا جنابك زيدي شوية ديال السكينجبير
دابا المرحلة الثانية كتاخدي كسرونة وتعملي فيها الماء وتزيدي الخزامة والريحان والورد والازيرما تحتاجيش طحنيهم طبخيهم مزيان وتصفيهم والماء ديالهم هو لي تخلطي بيه الغاسول وجميع المكونات اللي معاه وضيفي ليه شوية ماء الورد او الزهر على حسب الذوق وديه معاك الحمام ومني تغسلي شعرك وتشللي دهنيه على جسمك كامل ما عدا الوجه الوجه ديري لو نفس المكونات ولكن بدون السكينجبير والقرنفل والقهوة مني دهني جسمك حكيه بيدك بحال الا كتعملي مساج بحركات دائرية وخليه شي ربع ساعه عاد تشللي التشليلة الاخيرة وبصحتك وراحتك وردي عليا الاخبار

نسيت ما كملتش ليكم بالنسبة للزيت كناخد زيت ديال الاطفال وكنضيف لو القهوة مطحونة الورد مطحون العكر الفاسي الخزامة القرنفل سكينجبير غي شوية الريحان ازير شوية ديال المسك الا كان ونعملو في قرعة ومرة مرة نحركو مزيان حتى كطلق المكونات في بعضها وعنده فوائد كثيرة ضيفيه الغاسول كما ذكرت من قبل او تعملي بيه مساج ليك او لاي واحد في عائلتك وخاصة في هاد البرد كيسخن مزيان وكيرخي الجسم ونعسي ليا يا لالا مرتاحة ونهار الي كون عندك فيه التخمال هههه وماملفاش ديري بزاف ديال الشغل غي تسالي وديري بيه مساج فاعل تارك ودخلي تحت الماء سخون تشلي غي من تفل القهوة الا بقا في جسمك وشوفي راسك بحال الا كنتي كتكذبي ما كاين لا عيا لا والو وحتى الازواج اللي عملهم متعب مزيان ليهم غيولي فين ما تقادا لك يسولك ايمتا غتصيبي لو واحد اخر
هههه عارفة راسي وليت عطارة بلا ماتقولوها

أهلين كيف حالك سيدة حليمة هأنذا أعود بعد غيبة دامت تقريبا 20 يوما
شكرا لك على الموضوع الجميل

allah i3tik sa7a alala ghzala hadi wlahila lghsour rah ghzal merci zin