لي ما بغاش يموت ما يدخلش

واحد
لمرا راكبة فلكار غادي من مراكش لكازا او هزا ولدها صغيييير او جالس حداها
واحد الراجل متتعرفوش او تتقول لولدها رضع لنعطي لراجل يرضع رضع لنعطي
لراجل يرضع هو يفراااااح داك الراجل .لمهم وصلو كازا او بغات تنزل فحالها
هو يقول لها داك الراجل ا طااااااالع ليه الدم ما رضعتينا ما خلتينا نزلو
فبنجرير.
2-واحد البوليسي ديال
شانطي (المرور)بغا يمشي يفطر هو يقول لواحد مردا مكلاااااااااخ (قوات
المساعدة) عفاك وقف بلاصطي حتي نجي .المهم وقف فبلاصطو ا هو يتم جاي واحد
تراكتور هو يوقفو داك مردا هو يقول ليه هاي هاي هاي هاي لا باربريزاااات
رويضة كبيرة ا رويضة صغييراااااا او مزال راكب لفوق
3-داك مردا نيت بان
ليه واحد جاي فواحد طموبيلة انجليز(فيها لقدون فليمن) راكب هو او صاحبو هو
يقول ليه هاي هاي هاي حارق ضضوووو او مزاال عاطي لصاحبك يسوق
4-واحد الحلاق
حماااااق تايحسن لواحد هو يقول ليه واش بغيتي هاد لودن (ادن) داك لي
تايحسن سحابو غير تايضحك معاه هو يقول ليه لالا مبغيتهاش هو يقطعها ليه
بلمقص هو يلوحها فزبل عاود قاليه الحلاق او هاد لخرى بغيتيها . خاف
ليقطعها ليه حتى هي هو يقول ليه ايه ايه بغيتها . هو يقطعها ليه او عطاها
ليه فيديه
5-واحد مشا بغا يشري
شي ببغاء ا لمهم مشا هو يلقا واحد هو لي كاين فالسوق او عرج (مهرس من
رجليه) هو يقول لمولاه ا بشحال هاد الببغاء هو يقول ليه مولاه 500درهم هو
يقول وااااااه 500درهم او عرج هو يقول ليه لببغاء او مال امك بغيت نشوت
ليك لبيلانتيات
6 -واحد
معكاااااااز(ma3gaze) كان غادي فطريق او هي تبان ليه واحد 200 درهم فالارض
هو يوقف بقا تيشوووووف فيها هو يقول الله مافرزقش(مفيه ما يتحدر يهزها)
7-واحد
السقرام عطا لولدو 24 ريال قاليه سير جيب شي خبزة من لحانوت او عنداك
الشفارة ليمخرو ليك لفلوس زير عليهوم فيديك المهم خرج البرهوش هما يتعرضو
ليه جوج بغاو يديو ليه لفلوس قبطوه بغاو يحلو ليه يديه ما بغاش يحلها عضوه
مابغاش يحلها حطو ليه يديه فالارض او بداو تاينزلو عيها بواحد لحجرة او
مبغاش يحلها طلع ليييييهم الدم هما يقولو ليه سير اودي غي فحالك هو
يمشي فحالو وقف عند مول الحانوت حل يديه هو يلقاها ولات 5 دراهم (ديك لي
فيها لصفر لوسط)