قصيدة قوية عن الفرااااااااااااااااق....

قصيدة قوية عن الفراق

عقب البطا لاقيت ظافي الجديلات
ياليتنا عقب البطا مــاالــتــقــيــنــا

سلمت وقلت لنور عيني سلامات
وش غـيًـرك ويش السبب ما تبينا

دنق وقـال ارجوك إنه العلاقات
شيٍ حصل ماعاد هو في يدينا

قلت السبب قال الليالي غريبات
إنــه العــلاقـه واعــتبــرنا انتهــينا

انا بحبل انسان ماهي دعايات
إنــه العــلاقه واعتــبرنا انـتهينا

طالعت فيه وهلت العين عبرات
فــي ســاعةٍ غـصبٍ علينا بكينا

حاولت اعبر عن هـمـومٍ خفيات
بس الحكي شيفيد مهما حكينا

كتمتهن بالجوف لوهن قــويات
راضي على ماصار لو مارضينا

وآخر كلامه قال لي كم كلمات
لاتسيء ضنك في غصبٍ علينا

ولف العباه وراح وانا بحسرات
فرقاًجرت من غير ذنبٍ جنــيــنا

وقفت اخايل غض الأنهاد لحظات
فيهن تهدم كــل شــيٍ بـــنــيــنــا

وقمت اتذكر كل شيٍ لنا فات
قبل ايتغير بالمحبه حـــديــنــا

ياما سهرنا بأظلم الليل ساعات
وياما طلع نور الفجر مــادريــنــا

وياما لنا فوق المراقيب ذكرات
وعلى جبال الزور ياما رقــيــنـا

وياما تحملنا الصعوبــات مــرات
وياما على سود الليالي شكينا

على زمانٍ فات جريت ونــات
لو هن على ضلعان مكه تلينا

اقرا الموادع بالقصص والروايات
لاشك ماضنيت بــيــصــير فــيــنــا

وارجع واكرر كلمةٍ لي بسكات
ياليتنا عقب البطا ماالتــقــيــنـا

الــــــــــــــــــجزء الثــــــــــــــــــاني

تكررت عقب البطا والتــقــيــنـا
من عقب مامرن سنينٍ طويلات

في صدفةٍ فيها حشا مادرينا
ولاهقينا نلتقي عقب مافات

لاشك جابتها اللــيــالــي وجــيـنا
رغم الفراق ورغم ذيك المسافات

في موقٍف بان التوتر علــيــنـا
لحظه تلين إبها القلوب القويات

قالت شلونك قلت ربك عوينا
الحمد لله عاضني عقب لوعات

الله رزقني في هنوفٍ تبينا
احيت خفوقٍ كان بعداد الأموات

هي نور عيني فرحتي والضنينا
ألقابها عن ظيقة الصدر سجات

قالت سليت وقلت عقبك سلينا
لكن عقب مالاعنا الحب مرات

قالت شلون وقلت لاتسألينا
مافات فات ولا تفيد الحسوفات

قالت تكلم قلت مهما حكينا
الدمع ماينفع عزيزٍاليامات

قالت نسيت وقلت لامانسينا
لكن قنعنا والقناعه من الذات

قالت أروح وقلت وش في يدينا
روحي عسى في كل خطوه سلامات

بصبر على فرقاك مهما حيينا
ولا تشوه صادق الحب زلات

قالت على ماكنت دنيا ودينا
تكرم ونكرم عن دروبٍ رديات

قلت اسمحيلي قبل لاترحلينا
يم الديار اللي علينا بعيدات

تراي ذخرٍ لاحدتك السنينا
اجيك مهما واجهتني صعوبات

من اليوم اخوك وغيرها ما بغينا
كلي فداك ان صار بالوقت ميلات

وتبسمت بإعجاب مدري حنينا
وتهشمت قدام عيني بعبرات

قالت فمان الله قلت انتهينا
واقفت تكلم نفسها بس بسكات

وقفت تقديرٍ لها ثم مشينا
دربٍ مشوه اهل القلوب العفيفات

امشي واردد ليتنا ماالتقينا
وش جابها عقب السنين الطويلات

تحياتي لكم
شمس المنتدى

قصيدة روعة اختى

يسلمواااااااااااااااااااااا

» قصيدة غزل نزار قباني الضفائر السود انا اعتبرها اجمل قصيدة
» قصيدة عن الحجاب باللغة الانجليزية قصيدة رااااااااائعه
» مكتبة برامج قوية جدا
» لكل من يريد أطفال ذو شخصية قوية.....
» نصائح للحصول على اسنان سليمة و قوية....

قصيدة قوية عن الفرااااااااااااااااق....

قصيدة قوية عن الفرااااااااااااااااق....

مواضيع مماثلة

مواضيع مماثلة