شعر شعبى لنزار المصرى(ياجحا ايه بيوجعك)

أَفْضَل الْدُّعَاء*** أَلْحَمْد لِلّه

الْسَّلام عَلَيْكُم وَرَحْمَة الْلَّه وَبَرَكَاتُه
***

بيسألوا جحا أيه بيوجعك
بيوجعني أن الحمار مش راضي ياكل جرز
معلش حمار؟؟؟ ماعندوش وجهة نظر

أل أيه بيوجعك؟
بيوجعني أن الوطن بيأن ويشتكي
وأنا قاعد جنبه زاي مسمار جحا ساكت بنتحر

ساعه أكتب شعر للمحبوب
وأرجع أقطعه أيه فايدة الشعر ومحبوبي بيندبح
ياساعة الشعر غوري وهاتي لغنا المحبوب وتر

وساعه أغني بالموال
ياليل المحرومين أيه فايدة الغنا
ساعة م البنت تحتاج لزفة فرح عاوزة تنستر

أمتى يافرحة المغلوب أقدر أرجعك؟
ولقمة الولاد من حنك سبع ضاري أقدر أخطفك؟
ومين يحس بدموع التراب غير الفتى الحر

وأل أيه بيوجعك؟
أللى بيوجع ان العيون معدتش قادره تدمع
وأحنا ماشين في سكه كلها خطر

بيوجعني كلمه يمكن ف يوم ترجعني
من حيرة بكره أو شعور بالغربه وأنت ف وطن
بيوزع ضحكه خضرا لكل ماشي ف سكة سفر

ولسه ياما نقول أيه بيوجعك
هي فرقة الأحباب مش وجع
ولا غربة اللمه ع مصطبة الحبايب
ولا حرية شراع المراكب ف نيل الجنه ساعة سهر

بيوجعني ألم أني ساكت
وأنا بنضرب كأي حمار
أني ماقدرش أبكي
لما يكون البكا متاح من غير قرار
أو أني أعمل حزب للحمير الخوافين غير من القدر

*---*

نزار المصري

29/12/2010

***
الْلَّهُم صَل عَلَى مُحَمَّد وَعَلَى آَلِه وَصَحْبِه أَجْمَعِيْن

وَأَفْضَل الْذِّكْر*** لَا إِلَه إِلَّا الْلَّه

نزار المصرى..نشيج المحابر

اين الردود اخوانى !!!!!!!!!!!

اخوانى ما عجبتكم ولا اايه

» هو دة الشعب المصرى
» كلمات...لنزار قباني
» قرار لنزار قباني......

شعر شعبى لنزار المصرى(ياجحا ايه بيوجعك)

شعر شعبى لنزار المصرى(ياجحا ايه بيوجعك)

مواضيع مماثلة

مواضيع مماثلة