: : : الصداقه : : : £ قصه واقعيه £

هذي قصه جدآ محزنه لشاب اسمه فيصل
ولكن هذه القصه لاجل من ؟
هل لاجل الله ؟ ام المحبه ؟
ام الصداقه ؟ قصه غريبه . .
تركي شاب في العشرين
اعز اصدقائه فيصل
تركي فيوم من الايام حب بنت اسحرته بجمالها وطيبتها واخلاقها ، المهم تركي وساره يحبون بعض ،
تركي حب صادق لكن ساره حب تسليه ومصلحه .
فيوم من الايام تركي كان في بيت فيصل
تركي : انا بروح مشوار وراجع ونسى جواله ، ودقت ساره على تركي
ورد فيصل عليها وسمع صوتها .
فيصل مادقق على اللي قالته دقق عالصوت كان حلو (يخقق)
اعجبه صوتهاونقل رقمها لجواله
وجاء تركي وشاف المكالمه وقال : هاه من اتصل ساره؟
فيصل : مدري انا ما ارد على خويتك انااغليك وانت اخوي
تركي : والله انك طيب اصل وعزيز وغالي بس ما ابيك تنسى الوعد اللي تعاهدنا عليه
((صداقتنا مايفرقها الا الموت ))
فيصل : اكيد ان شاء الله .
وراح تركي بيته ودق فيصل على
ساره
فيصل : ألو
ساره : ياهلا من معي
فيصل : فاعل خير يحبك
ساره : ممكن اعرف وش تبي؟
فيصل : انتي حبيبة تركي صح ؟
ساره : اي نعم ومن تكون ؟
فيصل : فاعل خير يبي يبعد عنك
الشر تركي
ساره : اخلص عطني الزبده وش فيه تركي؟
فيصل : تراه لعاب ومايحبك وعلى فكره تراه يواعد اكثر من بنت وهو فقير وأكله وشربه من الجمعيات الخيريه .
ساره : صحيح ؟ شكرآ انك علمتني قبل ما اتزوجه .
فيصل : طيب ممكن اشوفك واتعرف عليك عشان اقدر ابعده
عنك ؟
ساره : اي ليش لا ، اقابلك في المجمع كذا الساعه كذا . .
فيصل : طيب ماراح اتأخر
وقابلها ومع الايام حبها ،
وتركي المسكين يدق عليها ماترد وبعد فتره غيرت رقمها
وقالت ساره لفيصل : ما ابيك تكلم تركي ، ابيك تنساه
فيصل : طيب من عيوني
تركي راح لبيت فيصل لانه الثاني مايرد على اتصالاته واطرده فيصل بدون سبب .
تركي : اكيد تمزح .
فيصل : لا ما امزح ولا ابي اشوفك انا كرهتك دور غيري كرهتك . .
وفاليوم الثاني تجمعوا أخوياء فيصل وتركي فالاستراحه .
فيصل يوم شاف تركي ماسلم عليه وقال له : انت وش جابك هنا ماقلت ما ابي اشوفك .
تركي : فيصل وش فيك علي وش غيرك فجأه ؟ طيب عطني سبب لكل هذا ؟سبب واحد بس.
فيصل : يا اخي افهم كرهتك كرهتك وابيك تموت اليوم قبل بكره .
تركي عيونه غرقت بالدموع لكنه
حاول يخبيها
فهد : فيصل وش فيك وش غيرك على تركي ؟ ناظر زين مهوب هذا تركي اللي تحبه؟وين
ايامكم والوعد اللي تعاهدتوا عليه انت وتركي؟لاتكون نسيته؟
فيصل اكيد هذا مقلب صح؟
فيصل : لا مقلب ولا شي انا مابي اشوف هذا الشي اللي واقف قدامي .
تركي : خلاص انا طالع بس مابيك تنسى شي واحد
" اني احبك واغليك وانا عند وعد الصداقه اللي تعاهدنا عليه واتمنى لك التوفيق ، فمان الله يارفيق عمري "
وطلع تركي وقلبه متقطع
وفيوم هو وخويه مشعل طلعوا
مجمع يتمشون ولمحت عيونه ساره مع فيصل وراح لهم
تركي : ساره ليش ماتردين على
مسجاتي واتصالاتي؟
فيصل : ياخوي انساني وانساها انسى ساره وفيصل ، صارت حبيبتي انا وبس .
تركي : صحيح اللي يقوله ساره؟
ساره : وش اسوي كشفتك على
حقيقتك وتركتك وانا ألحين احب فيصل .
فيصل : يا ا ا بعدهم والله .
ومع
الايام عرف تركي حقيقة ساره وطلع عشان يعلم فيصل لكن صار له حادث وكان
بيموت ودق على فيصل لكنه ماصدقه وسكر بوجهه . وبعد ٣ ايام عرف فيصل حقيقة
ساره لانها اتركته بعد ما اخذت
منه ٥٠،٠٠٠ بحجة تساعد امها اللي شاركتها الجريمه وسافروا
لكن قبل تسافر دق فيصل عليها وقالت له : حبي لك كان تسليه وروح أمسح دمعتك
الله كريم ودور على خويك تركي " قالتها وهي تضحك وسكرت بوجهه " وثاني يوم
توفى تركي وكانوا يغسلونه ويكفنونه وريحته حلوه وكان يبتسم وبوجهه نور .
وعرف فيصل باللي صار لتركي وندم لدرجة انه حاول ينتحر ، وعرف ابو فيصل
بالموضوع وطرد فيصل من البيت وقال له : " لا انت ولدي ولا اعرفك "
وصار فيصل يبكي وندمان وكان لما يجلس مع اهله يطرده ابوه واطرده من عزا تركي وظل فيصل على هالحال ايام .
وفيوم راح لبيت تركي اللي مافيه
غير ام تركي وقالت لفيصل : ياولدي ليش سويت كذا؟
لكن ما اقدر اقول شي لان لو كلامي بيرجع تركي كان قلته .
فيصل : ياخالتي انا كنت ضحيه ، تكفين سامحيني . .
ام تركي : تدري؟تركي كانت كل
سوالفه عنك كان يحبك ويغليك وانت ماعطيته اللي عطاك لكنه الله يرحمه كان يقول انا بظل طول عمري مسامح فيصل لو يصير وش يصير .
يعني ألحين هو مسامحك بس اكثر من صلاتك عسى ربك يسامحك .
وراح فيصل غرفة تركي وهو يبكي دم وانتبه لورقه كاتبها تركي قبل موته :
( إلى حبيب قلبي ورفيق دربي فيصل ، ابي منك وعد ماتنساني ولا تنسى اني احبك
لكن ماحسبت حساب يجي يوم مثل ذاك اليوم اللي اهنتني وذليتني فيه عشان بنت
يافيصل بس كل اللي صار بعتبره مويه وشربته وانا مسامحك )
وبعدها ربي اخذ روح فيصل والورقه بيده
وادفنوا فيصل بجنب قبر تركي
الله يرحمهم ويغفر لهم
أما ساره حسابها عند رب العالمين . .