Ah d nkkin
Ah ino nga aboukad nfka ghar itillas
Or nssin mani ghilla ogharas ikhyrn
Ah ino nga amadon lahhakh asafar
Wa kollo kras nan ist ourmkh ourilik
Tamadont ar smodnt aggas iwayad
Ah ino nga aznzom our sol nttaf awal
Awal ngh ibadlt ils igayi wayyad
Ah ino nga amzwog our sol nttaf akal
Illigh nbna lbrouj ngh makh nsrs akham
Aghar nfka adar izoghar nwakal
Wala adrar nffagh lhma wala asmmid
Amagoz ikkisakh ayda ghilli gh nlol
Akal agdal illigh illa kollo yiwit
Igat d ortan izzo gisn afar igablt
Ibbi asghar lli gisn ikhlfn tasout
Irin igdad ns adasn isnfal awal
Ighi aghbalou fadangh our akkan aman
Amach argan imnaays orratin lkmn
Ola azor ns our izzar
ayst issokof
Nttan aygan arra
akbour lli s nkkous
Tanzrouft nkh oula adrar oula azaghar
Amzrouy nkh iddr gisn
orar itnfal
Wa willi zrinin adakh youtn soukmlil
Willi mi rzmn lbiban ghas akh issouhln
Gan imik nga gigan soul ikka fllakh
Ghin lgoud noukabar arwas asakh iwin
Timlsit das sntlkh ran ayyit ikkis
Kollou maygan mnid nkh ran attin mdln
Lhasoul tamagit nkh ran asrs iloh
Soul irin gignkh ad nkno ikhf ar akal
Ghassad agdod nkh idoy our ighama yan
ifaw oubrid n tozzomt iwannat ikkan
awalaynni inna dakh wawal iwayyad
nra ayasbahiy ad nhyo layyam non
asrk ntfokko tida our ifokki wawal
ad iligh ngh nmmout ikchm yan ismdal
imma aknt asigh addlt ourawnt nlol
ismail oubla
اسماعيل اوبلا