المصنع اليدوي لصناعة الاكسسوار 
الأول الادوات اللي نحتاجها
سلك نحاس
حلقتين صغيرين زي اللي في الصورة
خرز اسود متوسط الحجم
خرز (خرج نجف طويل) لونه دهبي أو بيج
للقفل نجيب الحلقة والعمود الصغير اللي بيدخل فيها
ست خرزات شبه الخرز الاسود بس دهبي
قطعتين النحاس اللي بيمسكوا الخرز والسلك
وفي الآخر حاجة صغيرة كده زي بنسة اسمها زَرَّادية مع شدة على الراء
دي شبه البنسة الكبيرة دي بتاعت النجارة تقريبا بس على صغير
الادوات تجيبوها من عند أي محل خردوات أو أدوات الخياطة وبتوع الخرز
هما غالبا بيكونوا في مكان واحد جنب بعض بيبيعوا الحاجات دي يعني
وحتى لو عارفين حد فيهم ممكن لو مش عنده تسألوه ألاقي كذا فين وهو يقولكوا
الطريقة
أولا نجيب واحدة من قطع النحاس مع السلك وتلات خرزات دهبي ونربطهم بالشكل ده
أهم حاجة ما ننساش في النص لازم يكونوا سلكين
ونبدأ نوزع الخرز الاسود مع خرج النجف على الجنبين بالشكل ده ونقفلهم في الآخر
نبدأ بقى بالجزء اللي في النص
وركزوا فيه
هناخد الأول خرزة سودا نحطها في السلكين
بعدها في كل واحد فيهم نحط واحدة خرج نجف عشان يعمل الشكل ده
بعدها نلف السلك حولين الجنبين ونضمهم في النص تاني
وممكن لو عرفنا بدل ما نلفه ندخله في الخرز الاسود على الجنبين
أهم حاجة ناخد بالنا من طول السلك يكون طويل شوية لو حبينا نقصره نقصه عادي بدل ما نعمل وما يكفيش في الآخر
بعد لف السلك نضمه للنص ونحط خرزتين دهبي خَرج نجف ونضم السلك بخرزة سودا
وتاني نفتحه باتنين خرج نجف ونلفه وهكذا بقى
في الآخر بتوصل بالشكل الجميل اللي شفناه ده بعد مانوصل القفل من الجهتين
حلق ظريف بالخرز الأحمر 
وبرضه هنستخدم الزرادية اللي قلتلكوا عليها قبل كده
عشان نقدر نتني السلوك بتاعتنا بالشكل المظلوب زي ما هتشوفوا معايا
الحاجات اللي هنستخدمها كالتالي
سلسلتين بالحجم اللي شايفينه في الصورة
نجيبهم من عدن بتوع الخردوات وأدوات التطريز
أو ممكن نعملهم بإيدينا بالسلك
خرز أحمر اتنين كبار و 12 حجم أصغر
سلوك على شكل دبابيس بس هي مش مدببة من تحت عادية مش بتشوك
هنجيب منهم 14 واحد
ونجيب سلكين أو قطعتين المعدن بتوع الحلق برضه ممكن نلاقيهم جاهزين أو احنا نعملهم بإيدينا
الأول اشرح طبعا على فردة واحدة من الحلق واعملوا التانية زيها
هنجيب واحدة من السلسلتين
ونيجي عليها من نصها بحيث يبقى جزء أقصر من التاني
وندخل قطعة المعدن بتاعت الحلق في حلقة صغيرة فيها 
بعدها نجيب الدبابيس (الغير مدببة)
ونحطها في الخرز وبعدين من الناحية التانية نتنيها
ونخليها على شكل حلقة
وطبعا لو طلعت طولة شوية نقصها بالزرادية
بعد كده هنحط الخرزة الكبيرة في السلسلة في الجزء الأطول
وبعدها نبدأ نوزع باقي الخرز الصغير
طبعا الحلقة بتاعت الخرزة كانت مفتوحة شوية بعد ما نركب الخرز في السلسلة
نبدأ نقفل الحلقات جيدا بالزرادية
الأنسيال شكله جميل
وبالرغم من انه لأول وهلة ممكن نقول صعب لكن هتحسوا معايا انه في منتهى السهولة والبساطة وممكن تستخدموا أي لون تحبوه
اللون اللي معايا دلوقتي الأورنج مع اللون البيج الفاتح أو السكري
الخامات:
هنستخدم سلسلة طولها حسب ما تحبي على أد إيدك أو أوسع حاجة بسيطة
ونجيب قفل عشان نقفل بيه الأنسيال
كمان هنستخدم الدبابيس اللي قولنا عليها بس المرة دي كتير شوية
وهنستخدم مجموعة من الخرز على شكل نقطة الميا لونها سكري حجم كبير وحجم أصغر
والباقي على شكل السمبوكسات (سمبوسك) لونها أورنج برضه حجم كبير وحجم أصغر
وهنستخدم مجموعة خرز لونه نحاسي صغير كفواصل بين الخرز بتاعنا
أول حاجة هنبدأ بيها هي أبسط حاجة
وهي تركيب القفل بتاعنا في السلسلة عن طريق الزرادية
ونقفل الحلقة بتاعته كويس أوي
بعدها نبدأ في تركيب الخرز
الأول نجيب دبوس من الخامات اللي معانا وندخل فيه خرزة سكري
وبعدها الفاصل النحاسي وبعدها خرزة أورنج زي الصور بالظبط
وبعد كده نتنيه 
ونعمل حلقة عشان نوصلها بالسلسلة بالطريقة ديوندخلها في السلسلة بتاعتنا 
ونلف السلك بتاع الخرز حولين نفسه بالشكل ده ركزوا عشان صغير مش باين أوي
ونقفل اللفة كويس على السلك بالشكل ده
ونكمل باقي الخرز بنفس الطريقة لحد الآخر مع تبديل الأولان مرة الكبيرة السكري ومرة الكبيرة الأورنج
ممكن الحكاية دي تاخد وقت شوية بس أكيد في الآخر هي بسيطة وشكلها كمان جميل أوي
الشكل النهائي للأنسيالهكذا نكون عملنا حلق شكله جميل وكمانبإيدينا 
الرئيسية 
الجنس
عدد الرسائل
العمر
البلد 
المزاج 
نقاط : 
موضوع: صناعة الاكسسوارات بيديك......... 
الإثنين أغسطس 10, 2009 9:32 am
