حائطي
سجل دخولك او إضغط هنا للتسجيل
سولف كول الك واهس تضل وياي
واذا ما الك واهس كول لا تخجل
ما اقبل احبك ونت ما مرتاح
وما ارتاح احبك ونت ما تقبل
اذا متشدني بيك وبيه اشدك حيل
انحل بالسهل من عندك وتنحل
ابكيفك من اجيت وما جبرتك يوم
ما جبرك ابكيفك لو ردت ترحل
فكر باليهمك والمهم شتريد
انه كل اليهمني المهم لا تزعل
ما مليت منك اكدر ابقى وياك
بس المشكلة خاف انه راح اتمل
ميهمني الدرب صار امشي بيه اسنين
ما اندل جنت بس هسه كمت اندل
وما اكولاً خسارة المني راح وياك
وي كلمن تحبة الروح ما تبخل
روحي الحبتك تتحمل ابلياك
وما ينقص صبره بغيبتك يكمل
مجنونه نعم بس تدري روحي شلون
تنجن بالعشك وبلا عشك تعقل
حبيتك صدك والوكت جذبة هواي
ابعركة الدغش انه نزلت اعزل
وتعرفني ولو عندك شكوك هواي
ودري لكل شكوكك صار عنك حل
من شفتك سنابل روحي جت ترويك
ماي ولاتضن اتصيرلك منجل
ما اقبل احبك ونت مامرتاح
وما ارتاح احبك ونت ماتقبل