نصائح لكل إمراة ادخلي فلن تندمي

السلام عليكم و رحمة الله و بركاته،

هذا الموضوع تنتمنى انه يساعد كل مرأة في انها ما تاخذ شي قرار في تاثيث البيت اللي تندم عليه من بعد، و هذه الشي اللي غنقول هو خلاصة بعض الحاجات اللي استنتجتها و بعض الحاجات اللي شفتها من خلال صديقاتي و الغاية طبعا هي الاستفادة خاصة ان المنزل هو المكان اللي تنقضيو فيه معظم ساعات الليل و النهار. فمن الضروري نكونوا مرتاحين فيه الا ما كانش مية بالمية على الاقل ستين بالمية.

كاينين الحاجات اللي غنذكرهم صعب تطبيقهم فدار الكراء لذالك الفكرة غتكون فراسك حتى لنهار ييسر لك فدارك و تطبقيها و كاينين افكار تقدر حتى اللي ساكنة فدار الكراء تطبقهم ما شي مشكل.

اول حاجة في اختيار غرفة النوم حاولي ما امكن غرفة النوم لداخل يعني بعيدة على الازعاج و في مكان فيه بعض الخصوصية. غرفة النوم من اهم الغرف لانها الغرفة اللي تتقضي فيها ما بين سبعة حتى لثمانية الساعات كل ليلة. اضافة لذلك اختيار الوان الاغطية و الاباجورات غاية في الاهمية. نصيحتي اليك هي انك ما تتسرعيش عند الشراء. انا عارفة ان الاغلبية فالمغرب تيتغطاو بمانطات. ما فيها حتى باس و لكن افضل انك تشري كوفرلي بلون موحد مثلا احمر، اسود، ابيض، اصفر كل هذه الالوان رائعة علاش؟ لانك ببساطة شديدة غتشري مخيدات صغار و تحطيهم فوسط النموسية كديكور
و غيعطيك واحد الاحساس بالاناقة فالصباح فاش تصايبي فراشك. ممكن تخللي المانطا باش تتغطاو و فوقها تفرشي الكوفرلي.

غنعطيك اقتراحات للالوان للمخيدات اللي تقدري تضيفي اذا اختاريتي الوان الكوفورلي و هذا ذوقي الخاص اللي تنفضل يمكن بعجبكم يمكن لا..انا حاولت نجيب صور فيها هذه الاختيارات باش يبان لكم على الطبيعة كيفاش غيبان. تنفضل ان الالوان تكون عبارة عن theme يعني الوان بعينها باش تعطينها التاثير اللي بغينا. مثلا بغينا ايحائآت شوية فيها اغراء و حيوية افضل الاحمر و الاسود.

جو فيه بعض الرومانسية و الجمال افضل الابيض و الاحمر

لون الكوفرلي : احمر او بوردو = لون المخيدات المناسب: اسود او ابيض

امثلة بالصور:

للناس اللي الغرفة عندهم شوية مظلمة افضل اختيار الاصفر باش تبان الغرفة مضوية و لو غير شوية الضو غيساعدها تبان مضوية..

لون الكوفرلي: اصفر ======= لون المخيدات المناسب: برتقالي او بني مغلوق (شكلاطي)

ما لقيتش بالضبط صورة ديل كوفرلي كيفما تخيلته و لكن هذ الصور غتقربكم شوية من الفكرة و الالوان كيف تيجيو متناسقين

[size=21]لون الكوفرلي موف ====== لون المخيدات: ابيض، فوشيا، او اصفر[/size]

لا انصح بالكوفرلي يكون مورد و فيه بزاف الاشكال كل ما كان سامبل كل ما تيبان راقي و ما تيتضيموضاش و دائا تتقدري تغيري غير المخيدات بلون اخر و هانتي غيرتي من الديكور دياله اما الا كان مورد خصك لابد المخيدات يكون فيهم شي حاجة قريبة من دوك الاشكال ديال الورد و الزواق..و كل واحد و رأيه [ندعوك للتسجيل في المنتدى أو التعريف بنفسك لمعاينة هذه الصورة]

يتبع

اذن اخواتي نتابع مع ما تبقى من ارجاء البيت،تكلمنا فيه على غرفة النوم

و غرفة المعيشة. الان غنتكلموا على غرفة الاطفال ثم الحمام ثم المطبخ الخ الخ..ان شاء الله.

غرفة الاطفال تعتبر ضرورية لعدة اعتبارات و هي اولا خصوصية الطفل سواء خلال النوم لان الطفل يحتاج

الى جو هادىء باش يرتاح الجسم دياله و يكتمل النمو دياله اللي كلنا تنعرفوا انه يحدث في ساعات النوم ليلا.

غرفة الاطفال غالبا تتكون قريبة نوعا ما من غرفة نوم الابوين باش يكون سهل سماع ندائهم فالليل و الاطمئنان

عليهم.

بالنسبة لهذه الغرفة اذا كان عندك طفل او طفلة وحدة ما كاين مشكل لانه سرير واحد يفي بالغرض اما اذا عندك

زوج الاطفال. الحل الانسب باش تتغلبي على ضيق المساحة هي استعمال الاسرة اللي وحدة فوق وحدة باش يبقى

عندهم مساحة فالغرفة فين يتحركوا. هذوا مبنيين فالحيط و لكن طبعا دائما غيبقاو هكاك وخا يكبروا الاولاد!

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

فكرة اخرى و هي اذا كنت غتصايبي الناموسية عند النجار قولي له يدير لك فيها مجورا كبار تستغليهم فالتخزين

غينفعوك سواء لملابس الطفل او اي حاجة. او تقدري تشريها واجدة بمجورها.

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

اللي عندها الضيق بزاف تقدر تستغل المساحة اللي تحت النموسية و تحط فيها البيرو

[ندعوك للتسجيل في المنتدى أو التعريف بنفسك لمعاينة هذه الصورة]

بالنسبة للناموسية وخا يكون ولدك صغير مثلا سبع او ثمانية سنين ماشي ضروري تاخذي له نموسية على قده و

انما خوذيها كبيرة من نوع خشب ممتاز باش يكبر فيها و ما تحتاجيش كل عامين تشري وحدة جديدة على قياسه.

حاجة اخرى بالنسبة للناس اللي تتبني ما كاين ما احسن من بلاكار مبني فالحيط، و يكون كبير و عالي. غتحتاجيه

للتخزين و الملابس الخ الخ..و احسن ما تشريه و تحطيه و تدوز مدة و يقدام عندك و يخصك تبدليه بواحد جديد.
المكتب هو ثاني اهم حاجة فغرفة الطفل لانه تيساعد الطفل باش يبقى ظهره مستقيم فاش تيكون تيكتب او تيراجع دروسه، و فنفس الوقت تيعلمه النظام و انه المراجعة عندها مكان معين ما شي حدا التلفزة او فين ما والا.
اللي ميزانيتها ما تتسمحش تاخذ مكتب، مشي بالضرورة تشريه جديد تقدر تاخذه مستعمل او على الاقل تعوض المكتب بطبلة و تغلفها باش تقوم بنفس الدور. اهم حاجة انه الطفل ما يتعودش على المراجعة فين ما والا
باش ظهره ما يعواج. اما الناس اللي دائما عندهم هاجس انهم خصهم يشريوا الحاجة الرفيعة. فالاولى يسبقوا صحة ولادهم حتى تسمح ظروفهم.

[ندعوك للتسجيل في المنتدى أو التعريف بنفسك لمعاينة هذه الصورة]

اذا كان المكتب فيه رفوف فهذه ميزة اضافية تتشجع الطفل انه يهتم بالكتب و القصص. اما اذا ميزانيتك تتسمح فخزانة هي افضل الحلول لانها غتستوعب الكتب و القصص و الالعاب حتى هما.

هذا الديكور راااااائع فيه جلسة قراءة للطفل و خزانة فنفس الوقت.

[ندعوك للتسجيل في المنتدى أو التعريف بنفسك لمعاينة هذه الصورة]

اذا كان الطفل صغير فالسن خص الخزانة تكون حادرة باش يوصل لها بحال هذا الشكل.

[ندعوك للتسجيل في المنتدى أو التعريف بنفسك لمعاينة هذه الصورة]

و طبعا ممكن تنظمي له الالعاب و القصص و الكتب كل حاجة فالرف ديالها.

[ندعوك للتسجيل في المنتدى أو التعريف بنفسك لمعاينة هذه الصورة]

تاني ممكن تعملوا شي خزانة بحال هذا الشكل و القصص و الكتب يكونوا باينين و الالعاب يكونوا
لداخل مسدود عليهم.

[ندعوك للتسجيل في المنتدى أو التعريف بنفسك لمعاينة هذه الصورة]

الناس اللي ما عندهم مساحة صغيرة (انا دائما تنفترض انه كاين الضيق) و لكن هذا فقط لان هذا هو المشكل اللي تنبغيوا نلقاو له حلول عملية اما طبعا اللي عنده التيساع فهنا طبعا ما شي مشكل و كل الافكار ممكن تتطبق بالشكل اللي بغينا.

كنت تنقول الناس اللي عندهم الضيق او بغاو يستغلوا المكان بحاجات اخرى اهم من الخزانة وخا هي راه من اهم الاشياء. فبامكانهم وضع رفوف صغيرة،متوسطة او كبيرة فالحيط و يستغلوها لوضع الكتب و القصص و بعض الالعاب..او للتزيين..و كاينين خزانات صغار و ما ثقالش فالوزن ممكن تعلقوهم فالحيط غير هو لازم ما تراعيو انهم ما يكونوش معلقين مباشرة فوق النموسية فين تينعس الطفل تفاديا لاي مشاكل و طبعا لابد تتاكدوا انهم مثبتين مزيان فالحيط و ما يكونوش مثقلين بالكتب...و الا فانصح بخزانات ارضية.

[ندعوك للتسجيل في المنتدى أو التعريف بنفسك لمعاينة هذه الصورة]

هذوا راه وخا تقولوا فين غنلقاوهم راه غير ترسموا الشكل و تعطيوه للنجار غيصايبوا لكم و نتوما صبغوه حسب اللون ديال البيت او اللي تيعجب ولادكم.

[ندعوك للتسجيل في المنتدى أو التعريف بنفسك لمعاينة هذه الصورة]

و دائما ممكن تعلقي ارفف بطريقة مبتكرة و تكوني زينتي الغرفة و فنفس الوقت وفرتي المساحة على الارض.

و اللي بغات حاجة تتعلق للالعاب هذه تقدر تعلقها فالبيت او ورا الباب او اي مكان فالبيت.

[ندعوك للتسجيل في المنتدى أو التعريف بنفسك لمعاينة هذه الصورة]

اللي ما لقاتش بحال هذه تقدري تعوضها بهديك اللي فاش تيديروا الصبابط دايل البلاستيك او تخيطها او..

[ندعوك للتسجيل في المنتدى أو التعريف بنفسك لمعاينة هذه الصورة]

و ها هي صالحة للالعاب و شحال من حاجة.

اضعف الايمان تاخذي ديك الشبكة اللي تيستعملوا بزاف الناس فالكوزينة فيها ثلاثة الطوابق و تيحطوا فيها

الخضرة (بصلة، بطاطا..) و تديريها له فالبيت دياله باش يرتب الالعاب دياله. غير اللي ما بغات تنظم و تتول

دارها. عرفتوهم ياك؟؟

ما تنسايش سلة المهملات باش تعودي الطفل على النظافة و هو يكون مسؤول عليها يخويها فاش تعمر..و الا

كان صغير يجيبها لك. الاطفال فالصغر تيبغيوا يبينوا انهم كبار و تيعرفوا يساعدوا فاستغلي هذه الاوقات باش

تعوديه على النظافة و الاعتماد على النفس.

ما تنسايش ان الالوان مهمة بزاف فحياة الاطفال، فانتبهي للالوان اللي غتختاري لهم سواء الصباغة او الغطاء.

حاجة مهمة و هي مرة مرة حاولي تغيري لهم الديكور ديال الفراش و خليها بحال مفاجاة. سبحان الله هذه نقطة

مهمة بزاف تنعقل على ماما الله يحفظها داااااائما تتدوز واحد المدة و نرجعوا من المدرسة بحال الا دخلنا لبيت جديد مع

ان الفراش هو هو الا انه متغير تيحسسك ان كل شي مبدل و جديد وهذا تيكسر الروتين عند الطفل و كله ايجابيات.
ندوزوا للحمام وخا انا اكيدة انني نسيت شي حاجات ما ذكرتهاش فيما يخص الغرف اللي
هضرنا عليها و لكن اي وقت تفكرت شي حاجة غنضيفها ان شاء الله.
هذه الساعة غنهضروا على الحمامات سواء المخصصة للضيوف فقط او الخاصة بمالين الدار.
الحمام كيف تنقولوا هو منين تتعرف المرأة واش ناضية ولا..نص نص! انا هنا ما غنهضرش
على ان الحمام خصه يكون تيشعل لان هذه مسألة مفروووووغ منها!

الناس اللي عندهم حمامين عندهم واحد الميزة رااااائعة علاش؟ لانه تتخصصي واحد للضيوف
و تيبقى دائما نقي و مرتب و رهن الاشارة فأي وقت. و ما تيكونش احراج للضيف و تساطيح
مع مول الدار كل مرة..لهذا خص الحمام ديال الضيوف يكون قريب من الصالون باش اللي بغى
ياكل يغسل يديه و اللي بغى يستعمل الحمام راه عند وذنيه.

حمام الضيوف بالنسبة اللي تيبني داره عنده الاختيار بين انه يفصل ما بين الحمام (اقصد التواليت)
و لافابو يعني لافابو يخرجه برا الحمام. الفائدة هي: حتى الا كان شي حد تيستعمل التواليت و شي
حد اخر بغى يغسل يديه ما يضطرش يتسنى حتى يخرج للي فالتواليت عاد يغسل يديه، وطبعا اللي
فالتواليت فاش غيكمل غيخرج حتى لبره عاد يغسل يديه.
انا هنا ما غنهضرش على ان الحمام خصه
يكون تيشعل لان هذه مسألة مفروووووغ منها!

[ندعوك للتسجيل في المنتدى أو التعريف بنفسك لمعاينة هذه الصورة]

اتمنى انكم ما تقولوش انني تنكتر من التفاصيل اللي ما شي كل شي يقدر يوفرها بحكم ميزانيته او ظروفه المالية. انا تنقترح افكار و اللي بغى يطبقها و عنده الامكانيات غيطبقها. اللي جاته كثيرة يختار الافكار اللي ضرورية و يقدر يطبقها..و اللي ما بامكانوش كيف خلاوها اللي ما شرى يتنزه حتى يوسع الله فالرزق..و اللي ما بغاش المهم غيكون استافد معنا. ياك بعدا؟

ايوا هانتوما انا مزاوكة فيكم اللي صلات تدعي معيا و مع والديا.

الحاجات اللي ضروري منها فحمام الضيوف هي:

أولا: ورق التواليت (بابيي جينيك)

ثانيا: سلة مهملات تلبسيها بلاستيكة. علاش؟ باش اللي استعمل ورق الطواليت ما يرميهش لك
فالطواليت او اي حاجة تم استعمالها دائما تترمى فمكانها المخصص احسن ما يتخنقوا لك
الجعاب. و هنا خصكم تحطوا السلة فمكان باين و قريب من الكرسي باش بنى ادم يفهم
انك بغيتي الزبل يكون فالسلة. و الا خفتهم ما يفهموش كتبوا فورقة المرجو
رمي الازبال هنا و ديروا اشارة نحو السلة. راه تنهضر بالمعقول! خخخ و كتبوها بجميع
اللغات و اللهجات
و البلاستيكة ساهلة و عملية غتحتاجي فقط تعقديها و ترميها.

ثالثا: صابون معطر صلب او سائل و يفضل السائل باش ما تبقاش تنتقل الباكتريا من يد ليد.

رابعا: فوطة رطبة و معطرة (انا مخصصة قرعة ديال الريحة فقط للفوط ديال الضيوف، تتحسسي

الضيف انه مهم فاش تيمسح يديه و يشم ديك الريحة، ديما يبقى مفكر النظافة ديال حمامك و تميزه،

لان بزاف تاع الناس تيعلقوا فوطة مصبنة و نقية و لكن ما معطراش و هذه لمسة مميزة. و طبعا الا كانت

امرأة غتفيديها الا ما كانتش تتديرها. ها واحد الاجر )

خامسا: معطر للجو (ضروري) لابعاد الروائح المزعجة ههه

سادسا: علبة كلينيكس. (اختياري)

سابعا: هذه كل مغربية خصها تديرها و هي مرشة و فيها ماء الورد لليدين (اختياري)

المرشة علاش تتعجبني لانها ديكور و فنفس الوقت منها منفعة تعطير. و شعارنا نهزوا الصناعة

التقليدية ديال بلادنا

» نصائح تهمك ادخلي فلن تندمي
» لشريك ادخلي لن تندمي
» كرواصة روعة ادخلي لن تندمي
» بداز بالقديد اكلة رائعة ادخلي لن تندمي
» لا تندمي......

نصائح لكل إمراة ادخلي فلن تندمي

نصائح لكل إمراة ادخلي فلن تندمي

مواضيع مماثلة

مواضيع مماثلة